CUEVAS CASH TRASLÁDASE AO POLÍGONO DAS GÁNDARAS E APOSTA POLAS SECCIÓNS DE FRESCO

• O novo establecemento conta con 1.323 metros cadrados de sala de vendas e 95 prazas de aparcadoiro
• Estreará seccións de carnizaría, charcutaría e froitaría con venda asistida en mostrador, así como panadaría de libre servizo.
• Xerará 23 postos de traballo e abrirá de luns a sábado en horario continuado de 9:00 a 21:00.
• Grupo Cuevas conta con establecementos en Lugo cidade desde o ano 1988.

Grupo Cuevas inaugura hoxe, 4 de xuño, o seu novo centro Cuevas Cash en Lugo no Parque Empresarial das Gándaras, concretamente na Rúa Rafael Cardonigo Carro, parcelas M3.7 e M3.8. Con este traslado, o grupo ourensán pecha un ciclo de máis de tres décadas na avenida da Coruña, onde o primeiro Cuevas Cash lucense levaba operando desde 1988 cunha superficie de 969 metros cadrados, e abre unha nova etapa marcada pola modernización e a ampliación de servizos. O novo establecemento amplía a capacidade do seu predecesor e nace coa vocación de converterse no gran centro de referencia para a alimentación na capital provincial e na súa área de influencia.

Con este novo centro, Grupo Cuevas consolida a súa presenza na provincia de Lugo, onde xa conta con establecementos Cuevas Cash en Monforte de Lemos e Burela —este último inaugurado en marzo de 2025—, ademais dunha densa rede de supermercados propios e franquiciados baixo as enseñas Spar Express e Plenus. O novo Cuevas Cash Lugo aspira a atender tanto aos profesionais do sector HORECA e a restauración da cidade e a súa contorna, como a familias e particulares que buscan nun só espazo unha oferta alimentaria completa, variada e accesible.

Artur Yuste, director xeral de Grupo Cuevas, destaca que “o traslado de Cuevas Cash Lugo ao polígono das Gándaras é moito máis ca un cambio de dirección: é unha declaración de intencións. Levamos case 40 anos servindo aos lucenses e este novo espazo é o reflexo do que queremos seguir sendo: un aliado próximo, moderno e comprometido coas persoas que viven e traballan nesta terra. Seguimos medrando para dar máis e mellores servizos alí onde a xente nos necesita”.

Frescos, amplitude e comodidade nun mesmo espazo

O novo Cuevas Cash Lugo reserva un lugar específico para o produto fresco. O establecemento contará con mostradores de venda asistida nas seccións de carnizaría, charcutaría e froitaría, onde o persoal especializado atenderá directamente ao cliente. A panadaría funcionará en modalidade de libre servizo. Esta aposta polos frescos responde á demanda crecente dos clientes que valoran a calidade e a proximidade na compra diaria, e é unha das principais novidades del centro respecto ao anterior establecemento da avenida da Coruña.

O centro disporá de 95 prazas de aparcadoiro gratuíto nunha parcela total de 5.396 metros cadrados, con espazos reservados para persoas con mobilidade reducida. A sala de vendas, con 1.323 metros cadrados, albergará un amplo surtido de referencias en alimentación envasada, droguería, perfumaría e bazar, ademais das seccións de frescos mencionadas.

Cuevas Cash Lugo abrirá as súas portas de luns a sábado de 9:00 a 21:00 horas en horario continuado. O equipo estará formado por 23 profesionais que garantirán a atención e o servizo en todas as seccións do establecemento.

O novo centro incorpora ademais electrolineras para a recarga de vehículos eléctricos, un servizo que vén responder á crecente demanda de infraestrutura de mobilidade sostible entre os clientes do establecemento.

Un cash sostible e respectuoso co medio ambiente

Cuevas Cash Lugo recolle a esencia de dous dos piares fundamentais de Grupo Cuevas: a innovación e a sustentabilidade. O novo establecemento integra diversas solucións tecnolóxicas orientadas a minimizar o impacto ambiental da súa actividade e a facer un uso máis eficiente dos recursos enerxéticos.

O centro contará con módulos fotovoltaicos en cuberta que xerarán enerxía solar para abastecer, entre outros sistemas, a iluminación de baixo consumo tipo LED instalada en todo o establecemento. O aproveitamento desta fonte renovable contribuirá a evitar a emisión de toneladas de CO2 á atmosfera cada ano.

Os mobles de refrixeración do establecemento son de baixo consumo e contan con portas que melloran a conservación dos alimentos e reducen la demanda enerxética. O sistema de refrixeración empregará CO2 como fluído refrixerante, unha solución con impacto cero sobre a capa de ozono que evita o uso de gases fluorados altamente contaminantes.

A correcta xestión de residuos tamén está contemplada no deseño do novo centro, que disporá de compactadores de plástico e cartón para facilitar a recollida e a reciclaxe destes materiais.

Grupo Cuevas en cifras

Coa apertura de Cuevas Cash Lugo nas Gándaras, Grupo Cuevas mantén o seu ritmo de crecemento e modernización da rede de distribución alimentaria en Galicia e Asturias. O grupo conta na actualidade con 154 puntos de venda cunha superficie total superior aos 82.400 metros cadrados entre centros propios e franquiciados. A nivel loxístico, opera desde 4 plataformas: a súa sede central na Cidade do Transporte do Polígono de San Cibrao en Ourense (18.000 m²), la plataforma de froita e verdura Frunatur en Ourense (3.500 m²), o almacén de Roces en Xixón (9.700 m²) e a plataforma de froita, peixe e charcutaría tamén situadas en Asturias (3.300 m²). Na liña cash&carry (Cuevas Cash), o grupo acada os 26 puntos de venda con máis de 33.000 metros cadrados de superficie total.